2019年香港真的發起了一場顏色革命
香港人一直活在一個充滿矛盾的城市，中西文化的衝擊下，都市間的訊號有矛盾的解讀。其中顏色的矛盾最特別。例如白色，白事係喪禮、死人，但囍事，你唔用白色既婚紗，應該婚都可能結唔到。而顏色矛盾最特別當然係紅色，華人地區文化紅色係吉利既顏色，新春，婚禮，甚至在大陸同台灣既股市報價，紅色係升，綠色係跌，所以升市叫紅盤高開。
不過香港在紅盤高開既時候，指數股九成係綠色，因為香港係國際金融中心，所以使用既顏色與氟7歐美世界同步，升市係用代表安全既綠色，而跌係代表危險的紅色(Red Alert) 。
利用紅代表危險，其中的原因是紅代表火，血，而綠代表安全，是因為三原色中，紅的相對是藍及黃，加埋就係綠。
在香港的意識形態，對中共保持距離是常態(建制的官員，會評論激進的學生行為好似紅衛兵 https://www.storm.mg/article/77269 ) 。可能紅是共黨既顏色，引致大部份團體都避開紅色，連2014開始既撐警/保守派團體，都係用紅色既相對藍色，除明顯親共團體或左翼，其他甚少用紅色。
香港大部人保持生活在紅色代表囍慶或危險既矛盾，直到2019年有改變。
2019年的反送中運動開始，香港人表面上的撕裂，為了表達自已的立場，開始把黃/藍用在日常生活上的設計。
代表撐警的陣營，還是保持使用藍色而不是轉用紅色，少部份甚至在新年派紫藍色(在華人社會是死人先用藍燈籠) 的利是封。相對黃營，大部份藍營係真心反對黃營，還是用藍色保留立場的含糊，同紅保持距離呢？
有較大民間創作社群的黃色陣營，把黃色融入各種設計，民眾甚至把黃色用作喜慶，利是封，護身符(䘖守) 等，去取代紅色，開始確立自已的立化及身份認同。
民眾對顏色有代的意義，由2019年開始兩年內出現一種新認同，叫做顏色革命都不為過，但一個政權連民眾對顏面的喜惡都要過問，是否過火？會否有一天藍天也要變成夕陽，還是香港人都認同綠色較這一天更早來臨呢？。
文章版权归原作者所有。
